kung nararamdaman mo, maiintindihan at malalaman po din

pinapalaya ko na ang mga alaala

ang mga nakalipas nating dalawa

siphayo lamang ang sinapit

engradeng pag-ibig, sa puso ko'y inukit

ngayon ay naglaho parang bula

sinuko sa hanging patungong hilaga

yaman din lamang ako'y lilimutin

anu't ano pa ma'y ako'y lilisanin

ninanais na ako ay mawala

at di na muli pang makita

hahangarin ko na nga lamang

iyong tuwa at ngiting makinang

ngayo'y ako'y magpapakalayo na

dudulutin sayo'y maluwag na paghinga
iniibig kita, yun ang totoo

ni kahit kalayaa'y maibibigay ko

ako nama'y hindi na aasa

kung pag-ibig ay masusuklian pa

isip ko'y ilalayo na rin sa iyo

tutal ay di naman ako ang sa isip mo

ang kahibangan ko'y ititigil na

itong martir na puso'y pagal na't sawa

ililibot na lang ang sarili sa mundo

buong araw, buong buhay magpapakasaya ako

iiwanan na ang dulot mong pantasya

gulong dulot sa buhay ko'y mawawala

iwawaksi na ang lahat-lahat

ngayo'y nagpapaalam at nagpapasalamat

//_+

...redram